Gucunga neza Amafaranga

IMIRIMO YA BANKI

Abanyamerika benshi babika amafaranga yabo muri banki kubera ko ni bwo aba yishingiwe na Leta y'Amerika. Bivuze ko niba amafaranga aburiye cyangwa akibirwa muri banki, Leta y'Amerika iyasubizaho. Uzakenera kumenya ibyerekeye gukoresha banki ukoresheje ikoranabuhanga, umwenda, amafaranga ari kuri konti, gutegura ingengo y'imari, no kwishyura imisoro.

Amabanki atanga serivisi zitandukanye harimo amakonti abikwaho amafaranga yawe. Konti isanzwe ituma wishyura amafaranga wakoresheje ukoresheje sheki, ikarita ya debi, cyangwa binyuze mu kwishyura fagitire hakoreshejwe ikoranabuhanga. Abanyamerika benshi babona ko ari byo bifite umutekano kandi binoze kurushaho kurusha kwitwaza amafaranga, ariko ntugomba gukoresha amafaranga aruta ayo ufite kuri konti. Nubikora, hari amafaranga uzasabwa kwishyura.

Konti yo kuzigama ni uburyo bwo kuzigama amafaranga kugira ngo uzagere ku ntego z'igihe kirekire. Uba ushobora kubikuza amafaranga yawe igihe icyo ari cyo cyose, ariko ugomba kujya kuri banki cyangwa ugakoresha ikarita y'amafaranga ikoreshwa ku cyuma cya ATM (icyuma kibikurizwaho amafaranga) kugira ngo ubikore. Ayo makonti anashobora kuba afite amategeko yihariye yerekeye ingano y'amafaranga agomba gusigara kuri konti cyangwa inshuro n'ingano by'amafaranga ushobora kubikuza.

UMWENDA N'AMAFARANGA ARI KURI KONTI

Hari uburyo butandukanye bwo kuguza amafaranga muri Amerika. Uburyo buboneye kurusha ubundi ni ugukoresha ikarita y'umwenda, ariko hashobora kuba hari ingano nto ntarengwa y'amafaranga ushobora kuguza ukoresheje ikarita y'umwenda, kandi uhabwa n'igihe gito cyo kwishyura inguzanyo udashyizeho inyungu. Mu byerekeye inguzanyo nini, nk'iyo kugura imodoka nshya, abanyemerika benshi bahita basaba inguzanyo muri banki.

Hari ibintu by'ingenzi byo kwibandaho iyo uguza amafaranga. Iyo usabye inguzanyo y'amafaranga make maze ugahita wishyura inguzanyo yose wahawe mu buryo bwihuse, wiyongerera amahirwe yo guhabwa undi mwenda. Uburyo bworoshye bwo kubikora ni ugukoresha ikarita y'amafaranga. Abaguza bakoresha imyenda bagiye batanga kugira ngo babafashe kugenzura uburyo hari amahirwe y'uko ushobora kwishyura imyenda uhabwa. Iyo wagiye wishyura neza imyenda wahawe, bikorohera kubona inguzanyo nk'iyo kugura imodoka.

Ariko, niba ufite ingorane zo kwishyurira ku gihe inguzanyo wahawe, ushobora guhura n'ingaruka zo mu rwego rw'amategeko. Kandi, ugomba kwishyura inyungu hafi ku nguzanyo zose bikaba byongera umubare w'amafaranga ugomba kwishyura.

Inyungu ni iki?/strong>

Inyungu ni ijanisha ry'umubare w'amafaranga wagujijwe yishyurwa uwakugurije kubera ko wakoresheje amafaranga ye. Ibipimo by'inyungu birahindagurika. Iyo ugujije amafaranga (ukoresheje ikarita ya keredi cyangwa ufashe inguzanyo muri banki), wishyura inyungu. Ubusanzwe inguzanyo z'igihe gito n'amakarita ya keredi biba bifite ibipimo by'inyungu biri hejuru kurusha inguzanyo z'igihe kirekire watse muri banki. Kubara inyungu ku nguzanyo ni igice cy'ingenzi mu gushyiraho gahunda yo kwishyura inguzanyo kandi bigomba guhora bizirikanwa igihe ufashe inguzanyo.

Iyo ushyize amafaranga kuri amwe mu makonti yo kuzigama, ushobora kubona inyungu kubera ko banki ikoresha amafaranga yawe iguriza abandi. Ubusanzwe ibipimo by'inyungu byo hejuru ku makonti yo kuzigama bizana n'inzitizi zerekeye ingano y'amafaranga ushobora kubikuza n'aho ushobora kuyabikuriza.

Amakarita ya keredi na debi

Amakarita ya debi na keredi ajya gusa neza, ariko harimo itandukaniro rimwe ry'ingenzi. Yombi ashobora gukoreshwa mu kwishyura ibicuruzwa uhibereye cyangwa kuri interineti, ariko ikarita ya debi ihita ikura amafaranga kuri konti yo kuzigama cyangwa isanzwe yawe. Ikarita ya kerdi ikuguza amafaranga kugira ngo ugure ibicuruzwa kandi iyo utishyuye amafaranga ugomba kwishyura buri kwezi ku ikarita ya keredi yawe, wishyura n'inyungu.

Inguzanyo y'urugendo wahawe/strong>

Impunzi zemerewe guhabwa inyuzanyo itagira inyungu kugira ngo zishyure urugendo rwazo zijya muri Amerika. Kugira ngo ubone iyi nguzanyo, usabwa gusinya ku masezerano y'ubwishyu aho wemera kwishyura inguzanyo mu mezi 46. Uhabwa fagitire ya mbere mu mezi atandatu ukigera muri Amerika. Kwishyura inguzanyo y'urugendo wahawe ako kanya buri kwezi ni yo mahirwe yawe ya mbere yo kugaragaza neza ko kwishyura neza umwenda wahawe muri Amerika. Iyo ufite ikibazo mu kwishyura, uhita ubimenyesha uwaguhaye inguzanyo y’amafranga y’urugendo.

KWISHYURA IMISORO

Imisoro muri Amerika yishyura serivisi nyinshi zakoreshejwe n'abaturage, harimo n'abaje bashya. Imisoro yishyura uburezi rusange; gufata neza imihanda n'imihanda migari; polisi, kuzimya inkongi y'umuriro, na serivisi z'ubutabazi bwihutirwa; ndetse na gahunda za serivisi zihabwa abaturage.

Abantu batuye muri Amerika bishyura amoko atatu y'imisoro:

Imisoro ku musaruro. Buri muntu wese ukora yishyura umusoro ku musaruro w'Amerika, kandi abaturage bo muri Leta zimwe bishyura umusoro ku musaruro wa Leta. Iyo misoro ikurwa kuri sheki wishyurirwaho n'umukoresha wawe.

Imisoro ku mutungo bwite. Leta utuyemo zishobora kukwishyuza imisoro y'umutungo bwite ku mazu, ubutaka, n'inyubako utunze. Nyir'inzu ukodesha yishyura iyo misoro ku mutungo ukodesha. Zimwe muri Leta utuyemo zishyuza imisoro y'umutungo w'ibinyabiziga.

Imisoro ku biguzwe. Muri Leta nyinshi, abantu bishyura umusoro ku bintu baguze. Umusoro ku biguzwe n'inyongera ku giciro cy'igicuruzwa. Muri Leta zimwe, nta musoro ku biguzwe ku byiciro by'ibicuruzwa bimwe na bimwe, nk'ibiribwa cyangwa imiti. Ku bindi bicuruzwa, nk'amatabi n'ibinyobwa bisindisha, igipimo cy'umusoro gishobora kuba kiri hejuru.