Ubuzima bwiza bw’amarangamutima

Uko ubuzima bwiza bw’amarangamutima bugira ingaruka ku buzima bwawe

Amarangamutima ni uko twiyumva mu mutima Ushobora kugira amarangamutima y’icyizere, tuvuge nk’ ibyishimo cyangwa gusanyuka, cyangwa amarangamutima yo kwiheba, tuvuge nk’agahinda, cyangwa guhangayika. Uko wiyumva ku mutima bifite kugira ingaruka ku mitekerereze yawe, ku mibanire yawe n’abandi, ku mirimo ukora buri munsi, ndetse no ku buzima bwawe.

Imibanire yawe n’abandi: Iyo umuntu ahanganye n’ibibazo byo ku mutima, biramukomerera kumva uko abandi babona amacakubiri n’uko bakemura impaka. Kuba umeze neza ku mutima bishobora gutuma ukemura amakimbirane mu mutuzo, byaba ari ayo ugirana n’inshuti, abavandimwe, ku kazi, cyangwa kw’ishuri. 

Gufata mu mutwe no gufata imigambi Iyo uhanganye n’ibibazo byakujujubije ukaba unafite impagarara ku mutima, ushobora gutekereza cyane, bikagutera uburangare butuma udashobora kwiyumvira neza ngo ufate ibyemezo bihwitse. Urugero, ushobora kubona ko urimo kugira amazinda cyane, ukibagirwa ibintu, tuvuge nk’inkono ku ziko cyangwa gahunda z’ingenzi wari ufitanye n’abandi. 

Ubuzima bw’umubiri Kugira ubuzima bwiza bw’amarangamutima bijyanirana no kugira amagara meza. Ingorane ku mutima zishobora gutuma n’umubiri uhinduka, tuvuge nko kurwara cyangwa kubura ibitotsi. Ni ngombwa guhora uzirikana uko amarangamutima akuzuye akorana n’umubiri wawe mu bihe bikomeye. 

Kwita ku buzima bwiza bw’amarangamutima

Buri wese ahura n’ibintu bigira ingaruka ku buzima bwiza bw’amarangamutima Ibyo bintu bishobora kuba ari byiza, tuvuge nko kuzamurwa mu ntera ku kazi, bishobora no kuba bibi, tuvuge nko kurwara. Dore bumwe mu buryo ushobora kwita ku buzima bwiza bw’amarangamutima yawe:

Kuzirikana ibyo urimo Guhora uzirikana ibyo urimo bishobora kugufasha kugira umutuzo, kwihanganira umutuneko, no kugenga ibitekerezo byawe n’amarangamutima yawe. Urugero, ushobora kuzirikana uburyo urimo guhumeka cyangwa icyo urimo gukora, aho kugirango ibitekerezo byawe binyanyagire hose. 

Gusaranganya ibikorwa Kugena akanya ko gukora ibintu ukunda, nko kwidagadura, gusenga, cyangwa kwisuzuma bishobora kugufasha kwongera ubuzima bwiza bw’amarangamutima yawe 

Shyikirana n’abandi Gushyikirana n’inshuti n’abanvandimwe ukababwira uko umeze ku mutima bishobora gutuma nawe umenya neza amarangamutima yawe 

Goragoza neza umutuneko Umutuneko ugira ingaruka ku mubiri no ku bitekerezo. Kugira gahunda y’ibikorwa, gusinzira bihagije, kurya ubishyizeho umutima kandi harimo imbuto n’imboga nyinshi, no gukora imyitozo y’umubiri ni bimwe mu buryo bwiza bwo guhangana n’umutuneko w’igihe gito cyangwa w’igihe kirekire. 

Ingeri za serivisi zitanga inkunga mu kwita ku marangamutima

Hari serivisi zabugenewe zishobora kugutera inkunga ubikeneye. Zimwe muri izo serivisi zarimo guhura n’umujyanama, kwitabira ibikorwa by’itsinda ry’abantu muhuje ibibazo, cyangwa kwaka imiti kwa muganga. Kugirango ubone serivisi yagutera inkunga, vugana na muganga wawe w’ibanze, umukozi w’imibereho y’abaturage ushinzwe ikibazo cyawe, cyangwa kuri reba serivisi ziri mu karere kawe.
Wibuke ko gusaba inkunga ari ibintu bisanzwe. Buri muntu ahura n’ibibazo bimutera umutuneko, agahinda, cyangwa kubunza imitima. Guhora uzirikana ibitekerezo n’amarangamutima ufite ni ingenzi cyane mu kwita ku buzima bwiza bw’amarangamutima.

Niba wugarijwe n’ibitekerezo byo kumva wareka kubaho, cyangwa ibitekerezo byo kwikomeretsa cyangwa gukomeretsa abandi, hamagara kuri telefone Nomero 988 y’Abashobora Kwiyahura maze uvugane n’umukozi w’umwuga. Iyi Nomero 988 ikoresha indimi zirenga 240. Ushobora no kohereza ubutumwa bwanditse kuri Nomero 988 mu Cyongereza n’Igisipanyoro kugirango ubonane n’umukozi ako kanya.

Nuhamagara kuri Telefone y’Abashobora Kwiyahura, umujyanama wabitojwe azakwitaba maze ashobore no kuba yaguhuza n’umusemuzi uramutse ubikeneye. Uyu mujyanama azakubungabunga yumve ibitekerezo byawe maze akugire inama niba ufite ibitekerezo byo kwikomeretsa cyangwa kwiyaka ubuzima bwawe. Umujyanama niyumva uri mu kaga kihutirwa, ashobora kuguhuza na serivisi z’amakuba zo mu karere utuyemo zirimo Nomero 911, Polisi, Kizimyamuriro, Ambilanse kugirango bihutire kuza kugutabara.

Icyitonderwa:

IRC yahawe inkunga y’imari na Ministeri y’Ubuzima ya Leta Zunze Ubumwe z’Amerika, Ishami rishinzwe Abana n’Imiryango, Imfashanyo Nomero #90RB0052 n’Imfashanyo Nomero #90RB0053. Uyu mushinga uterwa inkunga y’imali 100% na Guverinoma ya Leta Zunze Ubumwe z’Amerika. Ibikubiye muri iyi nyandiko byanditswe na bene byo, ntabwo ari shinganwa ko byerekana imitekerereze ya Ministeri y’Ubuzima ya Leta Zunze Ubumwe z’Amerika, Ishami ryita ku Bana n’Imiryango.