Uruhare rwo Kugira umuntu uba muri Amerika mu kwimura no gutuza Impunzi
Umuntu ba muri Amerika ni iki?
Impunzi zitura muri Leta Zunze Ubumwe z’Amerika zishobora gushaka inshuti cyangwa abo bafitanye isano basanzwe batuye muri Leta Zunze Ubumwe z’Amerika zifuza guhuzwa nabo zikihagera. Iyo bamaze kugaragazwa, abo bantu bashakwa n’Ikigo gishinzwe kwimura no gutuza impunzi kikemeza niba bifuza ko impunzi zitura hafi yabo. Iyo babyemeye, aba bantu bafatwa nk’abantu bafite uba muri Amerika. Ikigo gishinzwe kwimura no gutuza impunzi ntigitanga umwirondoro bwite w’umuntu nk’amakuru y’ubuzima ku muntu afite muri Amerika. Ariko, bafatanya n’umuntu ufite uba muri Amerika mu gutegura kugera kw’impunzi muri Amerika.
Ikigo Gishinzwe Gutuza Impunzi ni iki?
Ikigo gishinzwe kwimura no gutuza impunzi ni umuryango utabogamiye kuri leta ukorana na Guverinoma Leta Zunze Ubumwe z’Amerika ku bufatanye hagati ya leta n’abikorera mu gufasha impunzi ziza muri Leta Zunze Ubumwe z’Amerika biciye muri USRAP. Guverinoma ya Leta Zunze Ubumwe z’Amerika ishyiraho amabwiriza kandi ikanatanga inkunga y’igice kuri serivisi z’ingenzi impunzi zihabwa biciye muri Gahunda yo kwakira no gutuza impunzi (R&P). Ibigo bishinzwe kwimura no gutuza impunzi bishinzwe gutanga izi serivisi no guha impunzi n’imiryango yazo ubufasha bw’ingenzi mu mezi yabo ya mbere muri Leta Zunze Ubumwe z’Amerika. Kugira ngo umenye ibindi ku Kigo gishinzwe kwimura no gutuza impunzi, sura urubuga rwa Settle In website kuri https://settleinus.org.
Abantu ufite muri Amerika bakorana bate n'Ikigo gishinzwe kwimura no gutuza impunzi?
Ikigo gishinzwe kwimura no gutuza impunzi kivugisha umuntu ufite muri Amerika ku nshuro ya kabiri iyo igihe cyo kuhagera kw’inshuti ze cyangwa abo bafitanye isano cyegereje kugira ngo babasobanurire serivisi z’ingenzi zisabwa na Gahunda yo kwakira no gutuza impunzi (R&P). Kubavugisha bwa kabiri bishobora kuba mu mezi cyangwa imyaka nyuma yo kuvugana bwa mbere kandi impinduka zose z’umuntu ufite muri Amerika zigomba kumenyeshwa Ikigo gishinzwe kwimura no gutuza impunzi, harimo no guhinduka kw’aderesi kw’umuntu ufite muri Amerika.
Iyo ikigo gishinzwe kwimura no gutuza impunzi kivugisha umuntu ufite muri Amerika mbere y’uko impunzi ihagera, babaza uwo impunzi ifite muri Amerika niba yifuza kugira uruhare muri serivisi zo gutuza impunzi n’ubufasha nko guherekeza Ikigo gishinzwe kwimura no gutuza impunzi mu kujya gufata inshuti zabo ku kibuga cy’indege, kubaha aho kuba no kubatwara abajyana kwitabira za rendevu cyangwa kumenyereza impunzi
mu muryango mugari mushya. Ikigo gishinzwe kwimura no gutuza impunzi ni cyo ubundi gishinzwe gutanga izi serivisi no kugena ikoreshwa ry’inkunga itangwa na Gahunda ishinzwe kwakira no gutuza impunzi (R&P). Ubufasha ubwo ari bwo bwose butangwa na Leta Zunze Ubumwe z’Amerika butangwa ku bushake. Bimwe mu bigo bishinzwe kwimura no gutuza impunzi bishobora kuba bifite “Amasezerano n’Umuntu ufite muri Amerika” akaba ari ifishi aho umuntu ufite muri Amerika agaragaza ubufasha yaha inshuti ye cyangwa uwo bafitanye isano mu gihe baba bageze muri Leta Zunze Ubumwe z’amerika. Iyi fishi ntabwo ari inyandiko yemewe n’amategeko ariko ni igikoresho cyo gufasha abantu bafite ababa muri Amerika n’abakozi b’ikigo.
Inyungu n’ibyitabwaho ku muntu uba muri Amerika no ku mpunzi
Impunzi zishobora guhabwa ubundi bufasha butangwa n’abantu zifite muri Amerika mu buryo butandukanye. Abantu ufite muri Amerika bafite umwanya wihariye wo gusangiza inshuti zabo z’impunzi zikihagera cyangwa abo bafitanye isano uko ubuzima muri Leta Zunze Ubumwe z’Amerika bumeze uko bagenda banyura muri sisitemu nshya kandi batamenyereye, hamwe n’imico itandukanye. Ni ingenzi kandi kumenya uko buri mpunzi muri Amerika byagiye biyigendekera mu buryo butandukanye kandi bishobora guterwa nk’ibintu birimo imyaka, aho yagiye gutuzwa ndetse n’akazi n’ubumenyi bw’ururimi.
Ururimi n'Ubusemuzi
Nubwo umuntu ufite muri Amerika ashobora kuba avuga Icyongereza n’ururimi rw’impunzi, Umukozi w’ikigo gishinzwe kwimura no gutuza impunzi ntabwo yakoresha umuntu ufite muri Amerika nk’umusemuzi mu gihe aganira n’impunzi. Leta y’igihugu isaba Ikigo gishinzwe kwimura no gutuza impunzi guha akazi umusemuzi wigenga mu gihe mu bakozi bafite ntawe uvuga ururimi rw’impunzi. Mu bihe bimwe na bimwe aho Ikigo gishinzwe kwimura no gutuza impunzi kidatanga serivisi z’ingenzi, abantu impunzi ifite muri Amerika bashobora gusemurira inshuti yabo cyangwa umuvandimwe ukihagera. Ikigo gishobora gutanga inama zijyanye no gusemura uko biri ngombwa. Abantu bari muri Amerika baziranye n’impunzi bashishikarizwa gushimangira akamaro ko kwiga Icyongereza no kwitabira amahugurwa yo kwiga Icyongereza mu muryango mugari babarizwamo.
Wari uzi ko?
Dore amakuru mpamo ku gutuza impunzi muri Leta Zunze Ubumwe z’Amerika, cyane ku mpunzi zifite abantu baba muri Amerika. Kugira ngo umenye byinshi kuri USRAP n’ubuzima bwo muri Leta Zunze Ubumwe z’Amerika, sura urubuga rwa CORE Resettlement Navigator ari rwo corenav.org. Uru rubuga rutanga amakuru asobanutse neza, y’ukuri, kandi ajyanye n’igihe ku impunzi n’abazifasha kwimuka no gutura muri Amerika.
Kuba ufite umuntu muri Amerika si ikintu gisabwa na USRAP, kandi abatanga ubusabe muri USRAP bashobora gutura muri Amerika batabifashijwemo n’umuntu bafite muri Amerika. Muri urwo rwego, kugira umuntu muri Amerika ntibivuze ko uzemererwa gutura muri Amerika kandi igikorwa cyo kureba ko wujuje ibisabwa ntigitandukanye ndetse ntikihutishwa ku batanga ubusabe bafite abantu muri Amerika.
Hakurikijwe amabwiriza yashyizweho na Guverinoma ya Leta Zunze Ubumwe z’Amerika kuri Gahunda yo kwakira no gutuza Impunzi (R&P), Ikigo gishinzwe kwimura no gutuza impunzi ntikemerewe gukoresha umuntu impunzi ifite muri Amerika nk’umusemuzi muri serivisi z’ingenzi zisabwa.
Aya mabwiriza Guverinoma ya Leta Zunze Ubumwe z’Amerika yashyiriyeho USRAP ashobora guhinduka buri mwaka maze bikagira ingaruka kuri serivisi n’ubufasha bwatanzwe n’Ibigo bishinzwe kwimura no gutuza impunzi. Bityo rero, serivisi z’ingenzi zo kwimura no gutuza impunzi zahawe abahoze ari impunzi, bashobora kuvamo abantu baba muri Amerika, zishobora kuba zitandukanye na serivisi zihabwa impunzi zikigera muri Amerika.
Ikigo gishinzwe kwimura no gutuza impunzi kigomba kwandika no kubika irangizwa rya serivisi z’ingenzi zirimo kwemeza serivisi iyo ari yo yose abantu ufite muri Amerika batanga. Ni yo mpamvu abantu ufite muri Amerika bashobora gusabwa gushyira umukono ku nyandiko ijyanye na serivisi batanga. Ariko, abantu ufite muri Amerika ntibategetswe gutanga indi serivisi y’ingenzi isabwa.
Akenshi, abantu ufite muri Amerika baba bishimiye kwinjizwa mu gikorwa cyo kwimura no gutuza impunzi z’inshuti zabo n’abo bafitanye isano, yaba ari ukubacumbikira mu ngo zabo, kubajyana kwitabira za randevu cyangwa kubaha gusa ubufasha bwo kubahumuriza. Mu gihe abantu ufite muri Amerika bigomwa amasaha yabo bagakorera ku bushake Ikigo gishinzwe kwimura no gutuza impunzi, bagomba kuvugana n’umukozi w’Ikigo gishinzwe kwimura no gutuza impunzi kugira ngo barebe ibikorwa byafatwa nk’ubufasha butangwa n’umukorerabushake.
Amakuru agezweho
Menya byinshi
Iyo ugeze muri Leta Zunze Ubumwe za Amerika, usanga umukozi w’Ikigo Gishinzwe Gutuza Impunzi ku kibuga cy’indege agutegereje. Ikigo Gishinzwe...
Ikigo Gishinzwe Gutuza Impunzi ni umuryango udaharanira inyungu ukorana na Leta ya Amerika ku bufatanye bwa Leta n’urwego rw’abigenga kugira...