د مهاجرینو بیا میشتیدنه کې د امریکا متحده آیالاتو کې د اړیکو رول حقیقت پاڼه
د امریکا متحده آیالاتو کې اړیکه څه شی دی؟
د امریکا متحده آیالاتو کې میشت کیدونکي مهاجرین کولی شي هغه ملګري یا خپلوان معرفي کړي چې واردمخه د امریکا متحده آیالاتو کې ژوند کوي او د چا سره چې دوی غواړي د راتګ نه وروسته یوځای شي. کله چې معرفي شي، دغه افرادو سره د بیا میشتیدنې ادارې لخوا اړیکه نیول کیږي چې تایید کړي آیا هغوی غواړي مهاجرین دلته نږدې میشت کړی شي. که چیرې هغوی موافقت وکړي، دا افراد د امریکا متحده آیالاتو اړیکې ګڼل کیږي. د بیا میشتیدنې اداره د مهاجرینو شخصي تفصیلات، لکه طبي معلومات د هغوی د امریکا متحده آیالاتو اړیکې سره نه شریکوي. په هرصورت، هغوی د امریکا متحده آیالاتو اړیکې سره د امریکا متحده ایالاتو کې د مهاجرینو د راتګ چمتو والی همغږی کوي.
د امریکا متحده آیالاتو اړیکې نه له مالي پلوه او نه هم له قانوني پلوه د هغوی نوي راتلونکي مهاجر ملګرو یا خپلوانو لپاره مسؤل دي. په هرصورت، هغوی کولی شي د بیا میشتیدنې ادارې سره په ملتیا کې د خپلو ملګرو یا خپلوانو د بیا میشتیدنې تجربې ملاتړ کولو له لارې د مهاجرینو بیا میشتیدو پروسه کې ګټور رول ولوبوي. دا مهم دي په یاد ولرئ چې د مهاجرینو هدف، د بیا میشتیدنې ادارې په مرستې سره، د امریکا متحده آیالاتو ته د هغوی راتګ نه وروسته هرڅومره ژر چې ممکن وي د کار له لارې له اقتصادي پلوه په ځان بسیا کیدل دي.
د بیا میشتیدنې اداره څه شی دی؟
د بیا میشتیدنې اداره یو غیرانتفاعي سازمان دی چې د USRAP له لارې د امریکا متحده آیالاتو ته راتلونکي مهاجرینو سره مرستې لپاره د امریکا متحده آیالاتو حکومت سره عامه – خصوصي شراکت کې ملتیا کوي. د امریکا متحده آیالاتو حکومت لارښوونې تنظیموي او د اړین مهمو خدمتونو لپاره یو برخه تمویل ورکوي چې مهاجرین یې د هرکلي او ځای په ځای کولو (R&P) پروګرام له لارې ترلاسه کوي. د بیا میشتیدنې ادارې د امریکا متحده آیالاتو کې د مهاجرینو لومړیو میاشتو کې هغوی او د هغوی کورنیو ته د دې خدمتونو عرضه کولو او حیاتي ملاتړ برابرولو مسؤلیت په غاړه لري. د بیا میشتیدنې ادارېپه اړه د نورو معلوماتو لپاره، د CORE بیا میشتیدنې چلوونکي ویب سایټ www.corenav.org ته ورشئ.
د امریکا متحده آیالاتو اړیکې څنګه د بیا میشتیدنې ادارې سره همکاري کوي؟
د بیا میشتیدنې اداره به د امریکا متحده آیالاتو اړیکې سره دوهم ځل د هغوی ملګرو یا خپلوانو راتګ ته نږدې د R&P پروګرام او اړین مهمو خدمتونو تشریح کولو لپاره اړیکه ونیسي. دا دوهمه اړیکه د لومړۍ اړیکې نه میاشتې یا کلونه وروسته کیدی شي، او د امریکا متحده آیالاتو اړیکې معلوماتو کې هرډول بدلونونو په اړه باید د بیا میشتیدنې ادارې ته معلومات ورکړل شي، پشمول د دې که چیرې د امریکا متحده آیالاتو اړیکه خپله پته بدلوي.
کله چې د بیا میشتیدنې اداره د مهاجر راتګ ته نږدې د امریکا متحده آیالاتو اړیکې سره اړیکه نیسي، هغوی د امریکا متحده آیالاتو اړیکې نه پوښتنه کوي چې آیا غواړي د بیا میشتیدنې خدمتونو او ملاتړ کې دخیل اوسي لکه د هوایی ډګر څخه د هغوی ملګرو یا خپلوانو را اخیستلو کې د بیا میشتیدنې ادارې سره ملتیا کول، استوګنه برابرول یا د ملاقاتونو لپاره ټرانسپورټیشن برابرول، یا هم نوې ټولنې ته د مهاجرینو لارښود کول. د بیا میشتیدنې اداره د دې خدمتونو وړاندې کولو او د مهاجرینو لپاره د R&P تمویل د کارولو پریکړې کولو لپاره نهایی مسؤل ده. د امریکا متحده آیالاتو اړیکې لخوا وړاندې کیدونکې هرډول مرسته داوطلب ده. ځینې د بیا میشتیدنې ادارې ممکن د “امریکا متحده آیالاتو اړیکې تړون” ولري، دا یوه فورمه ده چې پدې کې د امریکا متحده آیالاتو اړیکه هغه ملاتړ په ګوته کوي کوم چې هغه خپل ملګري یا خپلوان ته وړاندې کولی شي کله چې هغوی د امریکا متحده آیالاتو ته راشي. دا فورمه قانوني سند ندی مګر د امریکا متحده آیالاتو اړیکو او د ادارې کارمندانو سره مرستې یوه وسیله ده.
د امریکا متحده آیالاتو اړیکو او مهاجرینو لپاره ګټې او ملاحظات
مهاجرین کولی شي د اضافي ملاتړ نه ګټه پورته کړي چې په بیلابیل لارو د هغوی د امریکا متحده آیالاتو اړیکو لخوا وړاندې کیږي. د امریکا متحده آیالاتو اړیکې په یوه ځانګړي موقف کې دي چې د امریکا متحده ایالاتو کې د ژوند په اړه خپلې شخصي تجربې د هغوی نوي راغلي مهاجر ملګرو یا خپلوانو سره شریکې کړي ځکه چې هغوی نوي او نا آشنا سیسټم کې وي، او همدارنګه د کلتوري توپیرونو سره مخ کیږي. دا هم مهم دي چې ورباندې پوهه شئ د امریکا متحده آیالاتو کې د هر مهاجر تجربه مختلف ده او د عمر، بیا میشتیدنې موقعیت، همدارنګه کار او ژبې مهارتونو په څیر فاکتورونه ورباندې اغیزه کولی شي.
ژبه او ژباړه
که څه هم د امریکا متحده آیالاتو اړیکه په انګلسي او د مهاجرینو په ژبه دواړو باندې ممکن وغږیږي، د بیا میشتیدنې ادارې کارمندان نشي کولی د امریکا متحده آیالاتو اړیکې د ژباړونکو په توګه وکاروي کله چې د مهاجرینو سره ارتباط نیسي. د فدرال حکومت د بیا میشتیدنې ادارې نه غواړي چې خپلواک ژباړونکی وکاروي که چیرې د هغوی کارمندانو څخه هیڅ یو یې د مهاجر په ژبه نه غږیږي. په ځینې حالاتو کې چیرې چې د بیا میشتیدنې اداره مهم خدمت نه وړاندې کوي، د امریکا متحده آیالاتو اړیکې کولی شي د هغوی نوي راغلي ملګري یا د کورنۍ غړي لپاره ژباړه وکړي. که لازمي وي اداره د ژباړې په اړه لارښوونه ورکولی شي. د امریکا متحده آیالاتو اړیکې هڅول کیږي چې د انګلسي ژبې زده کړې او په ټولنه کې د انګلسي ژبې زده کړې روزنه کې ګډون کولو اهمیت باندې تاکید وکړي.
آیا تاسې پوهیږئ؟
اندې د امریکا متحده آیالاتو کې د مهاجرینو بیا میشتیدو په اړه د امریکا متحده آیالاتو اړیکې لرونکي مهاجرینو لپاره خورا مناسب حقایق او معلومات دي. د USRAP او د امریکا متحده آیالاتو کې د ژوند په اړه نورو معلوماتو لپاره، د CORE بیا میشتیدنې چلوونکي ویب سایټ corenav.org ته ورشئ. دا ویب سایټ د مهاجرینو لپاره او هغوی چې د امریکا متحده آیالاتو کې د هغوی بیا میشتیدو کې مرسته کوي د هغوی لپاره واضح، دقیق او تازه معلومات لري.
د امریکا متحده آیالاتو اړیکې درلودل د USRAP شرط ندی، او USRAP ته غوښتونکي د امریکا متحده آیالاتو اړیکې پرته د امریکا متحده آیالاتو کې میشت کیدی شي. په ورته توګه، د امریکا متحده آیالاتو اړیکې درلودل د امریکا متحده آیالاتو کې بیا میشتیدنه نه تضمین کوي او د ترخیص پروسه د هغه غوښتونکو لپاره مختلف نه وي یا چټکه نه وي ځوک چې د پروسې په جریان کې د امریکا متحده آیالاتو کې پیژندل شوي اړیکې ولري.
د R&P پروګرام لپاره د امریکا متحده آیالاتو حکومت لخوا ټاکل شوي لارښوونو له مخې، د بیا میشتیدنې اداره اجازه نلري چې د اړین لومړني مهمو خدمتونو لپاره د متحده آیالاتو اړیکه د ژباړونکي په توګه وکاروي.
د USRAP لپاره د امریکا متحده آیالاتو حکومت لخوا ټاکل شوي لارښوونې هر کال بدلیدی شي او په پایله کې یې مهاجرینو ته د بیامیشتیدنې ادارو لخوا ورکړل کیدونکي خدمتونو او مرسته باندې اغیزه کوي. پدې سره، د پخواني مهاجرینو لخوا ترلاسه شوي د بیا میشتیدنې مهم خدمتونه، څوک چې وروسته ممکن د امریکا متحده آیالاتو اړیکه شي، د هغه خدمتونو څخه مختلف کیدی شي کوم چې نوي راتلونکي مهاجرینو ته ورکول کیږي.
د بیا میشتیدنې اداره باید د اړین مهم خدمتونو تکمیل مستند کړي چې پدې کې د ټولو هغه خدمتونو تایید کول شامل دي چې د امریکا متحده آیالاتو اړیکه یې وړاندې کوي. د همدې لپاره د امریکا متحده آیالاتو اړیکې نه غوښتل کیږي چې د هغه خدمتونو په اړه یو سند لاسلیک کړي کوم چې هغوی وړاندې کوي. په هرصورت، د امریکا متحده آیالاتو اړیکې مکلف ندي د اړین مهمو خدمتونو څخه کوم یو یط وړاندې کړي.
اکثر، د امریکا متحده آیالاتو اړیکې د هغوی نوي راتلونکي مهاجر ملګرو او خپلوانو بیا میشتیدنې سره مرستې کې دخیل کیدو ته خوشحاله وي، هغه که په خپل کور کې هغوی ته د ژوند کولو لپاره ځای ورکول وي، ملاقاتونو ته د هغوی وړل وي، یا هم فقط احساسي او ټولنیز ملاتړ ورکول وي. که چیرې د امریکا متحده آیالاتو اړیکې خپل د رضاکارۍ ساعتونه د بیا میشتیدنې ادارې ته راپور کوي، هغوی باید د بیا میشتیدنې ادارې کارمندانو سره تایید کړي چې وګوري کوم فعالیتونه د رضاکار ملاتړ په توګه محاسبه کیدی شي.
