په متحده ایالتونو کې د کورموندنې لارې چارې

که تاسو نه شی کولای په خپله سیمه یا کوم ځای کې چې ژوند کوی ارزانه کور پیدا کړی، نو د متحده ایالتونودولت د لږ یا ټيټ عاید لرونکو کورنیو دپاره یوشمېر پروګرامونه لري.

• ګډ (مخلوط) عاید لرونکي کورونو کې د اپارتمان ودانۍ شاملې دي چې د بازار نرخ سره سم ځینې اپارتمانونه لري او همدارنګه ځینې اپارتمانونه د هغو کرایه کونکو لپاره ځانګړي شوي چې د ساحې لپاره د کور د اوسط عاید د ټاکل شوې کچې څخه یې عاید ټیټ وي. دا ډول کورونه ډېر لږ یا محدود دې چې په هره سیمه یا ښار کې شتون نه لري.
• عامه استوګنځایونه د کرایې هغه ارزانه کورونه دي چې د فډرالي حکومت په ملاتړ اود سیمه ایزه ادارې یا حکومت په مالي مرسته جوړ شوي دي. په عامه کورونو کې، کرایه د کورنۍ د عاید د یوې ثابتې سلنې پر بنسټ ولاړه ده. دا ډول کورونه ډېرمحدود دي اومعمولآ د منتظرینو نوملړ (لست) لري.
• د استوګنې د انتخاب کوپون (ووچر) پروګرام استوګنې، چې ځینې یې برخه ۸ هستوګنې (Section 8) بولي، چې د متحده ایاالتو فدرالي حکومت لخوایې هم مالي ملاتړ کیږي، کوم چې د کرایي ملکیت مالک ته د کور د کرایې د ارزانه ساتلو په موخه پیسې ورکوي ترڅو د استوګنې کرایه ارزانه یا ټیټه وساتي. دا کورونه یا هستوګنځایونه د مهاجرینو او نویو راغلو وګړو په ګډون د ټولو خلکو لپاره چې د دولتي کرایې کورونو ته غوښتنلیکونه استوي او شرایط پوره کوي محدود شوي دي.

د دولتي کرایي کورونو اړوند د پروګرامونو په اړه د پوهېدو او دا چې ستاسو لپاره د ارزانه کورونو کومې غوراوی شتون لري د لازیاتو مالوماتو د ترلاسه کوولو لپاره ، مهربانې وکړئ لاندې انټرنېټې پتې یا وېب پاڼې ته ورشئ: https://www.hud.gov/states

ستاسو دپاره غوره داده چې په خپل کرایې کورکې د ۶ څخه تر ۱۲ میاشتو پورې پاتې شی ترڅو دا ثابته شي چې تاسو د کرایه ورکوولو یو ښه او د اعتبار وړ تاریخچه لری. ستاسو د کرایې د ورکړې د تادیې تاریخچه به تاسو سره د نوي کور په نیوولوکې مرسته وکړي او د جایداد مالک ته به وښایي چې تاسو د اعتبار وړ کرایه ورکوونکي یاست.

که تاسو په پام کې لری چې بل ځای ته ګډه شی نو څو ټکي دي چې باید په یاد ولرئ:

د کرایې یا حجارې د تړون ماتوول:

که تاسو کور د مالک څخه په کرایه نیولی وي نو د تړون د ماتوولو په اړه محتاط ووسئ. تړون به دا واضېحه کړي چې تاسو د څه مودې لپاره په یاد آپارتمان کې ژوند کولای شی. په ډېریو مواردوکې، د یو کال موده ده. که تاسو د اجارې د پای د نیټې څخه دمخه کډه وکړی، نواحتمال لري چې تاسو جریمه ورکړئ، او یا هم حتی کېدای شي د اجارې د پاتې ټولو میاشتو پیسې یا کرایه ورکړئ.

که تاسو د وتلو پلان لرئ یا د اجارې د نوي کولو غوښتنه کوی نو ستاسو اجاره به د هغه وخت اندازه هم په ګوته کړي کوم چې تاسو اړ یاست خپل د کور مالک ته د کور څخه د وتلو یا د اجارې د نوي کوولوپه موخه خبر ورکړئ. دې ته د کورد تخلیه کوولو خبرداری ویل کیږي. په ډېریو مواردو کې تاسو اړیاست چې د تړون یا حجارې د بیاځلې نوي کوولو یا د کورڅخه د وتلو په اړه د کور مالک ته د وتلو د نېټې څخه د ۳۰ څخه تر ۹۰ ورځو دمخه خبر ورکړئ.

کا تاسو د وتلو یا کډه کوولو پلان لری، نو د خپل د کور د مالک سره په دې اړه خبرې وکړئ او ځان پوهه کړئ چې د تړون د پوره کېدو څخه دمخه د تړون ماتوول څه پایلې لري.

د خپل AR-11 بشپړ کړئ

تاسو اړ یاست چې متحده ایالتونو د تابیعت او کډوالو د خدمتونو ادارې ته خبر ورکړئ. هرځل چې تاسو له یو ځای څخه بل ځای ته حتی که په موقت ډول هم کډه کیږی نو د متحده ایالتونو د تابیعت او کډوالو د خدمتونو ادارې (USCIS) ته د ۱۰ ورځو په موده کې خبر وکړئ. همداراز تاسو اړیاست چې د AR-11 فورم په ډکوولو سره د متحده ایالتونو د تابیعت او کډوالو د خدمتونو ادارې (USCIS) ته د خپل نوي آدرس په اړه خبر وکړئ. دا کار د یادې ادارې سره مرسته کوې ترڅو ستاسو د موقیعت په اړه کره مالومات ولري.

د خدمتونو او مرستو دپاره غوښتنه وکړي

اړینه ده پوهه شئ چې له یوه ځای څخه بل ځای ته کډه کوول کېدای شي په هغو مرستوکوم چې تاسویې د سیمه ییزه خدمتونوڅخه ترلاسه کوی لکه خوارکي مرستې یا روغتیایي پاملرنې بدلون راوړي. تاسو کولای شی یادو خدمتونو او مرستو ته په خپله نوې ټولنه کې غوښتنلیک وسپارئ خو کیدای شي کومې مرستې یا خدمات چې تاسو په نوي ځای یا سیمه کې ترلاسه کوی توپیر ولري.