Language:

Uburenganzira n’Inshingano

Muri Leta Zunze Ubumwe za Amerika, amategeko arengera uburenganzira bw’abantu bose. Ugomba kumenya no gukurikiza amategeko. Ugomba kumenya ibishobora kukubaho uramutse urenze ku mategeko. Kurenga ku mategeko bishobora guhanishwa ihazabu cyangwa gufungwa kandi bikagira ingaruka kuri sitati yawe y’ubuhunzi. Ushobora no koherezwa mu gihugu wavuyemwo.
Hitamo imiterere yo kwigiramo amakuru kuri iyi paji. Ushobora kureba videwo, gukurura urupapuro rukubiyemo amakuru cyangwa kumva ikiganiro kiri mu majwi. Buri mahitamo atanga amakuru amwe.

Uburenganzira bune bw’ibanze ugomba kumenya:

  1. Ufite uburenganzira bw’ikiremwamuntu, nk’ubwisanzure bwo kuvuga no gusenga.
  2. Ufite uburenganzira bwo gukora. Nta muntu n’umwe ushobora kwitwaza ubwoko bwawe, idini ryawe, igitsina, n’inkomoko y’igihugu cyawe kugira ngo akwime akazi.
  3. Abana bose bari munsi y’imyaka 18 bafite uburenganzira bwo kugira umutekano no kurindwa ikintu cyose cyabahungabanya.
  4. Niba ukorewe icyaha, ufite uburenganzira bwo kuregera inkiko. Kugira ngo utange amakuru y’ubugizi bwa nabi, hamagara polisi. Niba byihutirwa, hamagara 911.
judge mallet
courtroom-898931_1280

Inshingano enye z’ingenzi zo kubahiriza:

  1. Birabujijwe kugirira nabi undi muntu, harimo n’abagize umuryango wawe. Ibibi bishobora kubamo gutotezwa, ihohoterwa rishingiye ku gitsina, n’ihohoterwa rikorerwa mu miryango.
  2. Birabujijwe guhatira umuntu gukora ibyo adashaka. Ntawe ushobora kuguhatira gushyingirwa cyangwa kuguhatira gukora udahembwa.
  3. Birabujijwe guhohotera abana cyangwa gusiga abana nta muntu mukuru ukureberera.
  4. Birabujijwe kugura, kugurisha, cyangwa gukoresha ibiyobyabwenge bimwe na bimwe, nka heroyine na kokayine.
us-supreme-court-building-2225765_1280

Andi mategeko abiri y'ingenzi ugomba kumenya:

  1. Ugomba kuba ufite imyaka 21 kugira ngo ugure cyangwa unywe inzoga.
  2. Kugira ngo utware imodoka; ugomba kuba ufite icyemezo/uruhushya rwo gutwara imodoka.
Ugomba kandi kumenya ibyerekeye amategeko ya leta n’ay’inzego z’ibanze. Muri yo harimo amategeko ajyanye no kunywera itabi ahantu rusange, imiturire, kuroba no guhiga nta ruhushya. Zirikana: Muri Leta Zunze Ubumwe za Amerika hari amategeko menshi. Kutamenya amategeko ntibikuraho guhanwa uramutse uyarenzeho.

Kurura porogaramu ya Settle In kugira ngo umenye ibindi

 
SettleIn Logo
Learn on the go
Ibikubiye kuri uru rubuga rwa inerineti byashyizwemo bivuye mu Bitekerezo Abantu mu Ibiganiro bijyanye n’umuco mu birebana n’umuco (CORE), ni amakuru agenewe rubanda, kandi ashobora gukopororwa. Ibikubiye kuri uru rubuga rwa interineti byashyizweho hakurikijwe amasezerano yatewe inkunga y’amafaranga n’Ibiro by’Abaturage, Impunzi, n’iby’Abimukira, Minisiteri y’Ububanyi n’Amahanga ya Leta Zunze Ubumwe, ariko ntibisobanura ko urwo rwego ruhagarariye politiki y’urwo rwego kandi urwo rwego ntiruri mu mwanya wa Leta.