Jinsi ya Kushirikiana na Polisi nchini Marekani

Jukumu la polisi nchini Marekani ni kudumisha utulivu na usalama wa umma, kutekeleza sheria, na kulinda haki za raia za watu binafsi jamii zilizo kote nchini. Jifunze Zaidi hapo chini.

Chagua muundo wa jinsi ambavyo ungependa kupata kwenye ukurasa huu. Unaweza kutazama video, kupakua hati ya maelezo au kusikiliza podikasti. Kila chaguo linatoa maelezo sawa.

Pakua ukurasa huu Pakua

Iwapo una dharura, unaweza kuhitaji kupiga simu kwa 9-1-1 ili kuomba usaidizi. Kama vile wazima moto na huduma za ambulansi, polisi wanaweza kufika ili kukusaidia. Unaweza pia kukutana na polisi katika hali mbalimbali katika jamii zenu kama vile wanapowasimamisha madereva kwa kutofuata sheria za barabara.

Ikiwa utakutana na polisi katika maeneo ya umma, wakusimamishe wakati unaendesha gari au kukabiliana nao katika mazingira yoyote, hivi hapa ni baadhi ya vidokezo vya njia zinazofaa za kushirikiana nao:

Usiwe na wasiwasi na udhibiti hisia zako.
Kuwa mwenye heshima. Usibishane.
Weka mikono yako ikiwa inaonekana na nje ya mifuko yako.
Usikimbiye au kuchukua kitu chochote kwa ghafla.
Kaa mahali pamoja na uwe mtulivu.
Ikiwa uko kwenye gari, kaa ndani ya gari na ufunge mshipi wa usalama.
Usimguse au kusimama karibu sana na ofisa wa polisi.
Tembea na kitambulisho chako na uwe na nambari ya simu ya mtu anayeweza kukusaidia, ikihitajika.
Uliza ikiwa uko huru kuondoka na ikiwa ni hivyo, ondoka kwa utulivu.

Kumbuka: Ni sawa kusema kuwa hauelewi. Una haki ya kisheria ya kupewa huduma ya mkalimani.

Ikiwa utashutumiwa kwa kuvunja sheria na ukamatwe, una haki ya kukaa kimya na kuzungumza na wakili kabla ya kuhojiwa.

Ikiwa huwezi kugharamia huduma za wakili, mahakama itakulipia gharama za wakili atakayekuwakilisha.

Hii hapa ni kadi unayoweza kubeba ili ikusaidie katika kushirikiana na polisi.

Hakikisha kuwa UNAOMBA KWANZA na KUPATA RUHUSA kabla ya kuchukua kadi hii.

Kadi ya Kushirikiana kati ya Mkimbizi na Polisi

Mimi ni mkimbizi aliyepata makazi mapya. Niko nchini Marekani kihalali.

Ninazungumza lugha ya ______. Ninahitaji mkalimani.

Tafadhali mpigie simu _______.

Hali za kiafya:

Ikiwa una maswali kuhusu jinsi ya kushirikiana na polisi, hakikisha kuwa umeuliza wafanyakazi walio katika ofisi iliyokupa makazi ili upate usaidizi.

Mada Zinazohusiana

Sheriya ya Amerika: Uongozi wa Sheriya

Sheria za Marekani: Haki za Marekebisho ya Kwanza

Ready to test your knowledge?

Download the Settle In App

Get unlimited access to hundreds of lessons designed for all learners

Test your Knowledge

With short videos and interactive lessons, you can learn about a wide range of pre- and post-arrival resettlement topics like traveling to the U.S., housing, and looking for a job.