Afya ya Akili Inchini Amerika

Unaweza kusikia mkazo, huzuni, ao kuzidiwa wakati wa kutafuta makao mupya ao katika maisha ya kila siku tu. Iko kawaida kusikia maono kama haya na ni vizuri kuomba msaada kama unahitaji. Msaada wa afya ya akili unaweza kupatikana fasi mbalimbali Hii ni mifano mojawapo ya misaada

Batu benye biko mu Maisha Yako. Unaweza kupata msaada kwa njia ya marafiki na familia, washauri, ao waongozi. Walimu na wachungaji wa kidini wanaweza pia kuongoza wakati wa magumu.

Matunzo ao Mashauri. Waganga na washauri watakusaidia kutambua njia ya kuelewa na kushindana na maono yako. Inchini Amerika, batu mingi banazungumuzaka na watunzaji ao washauri kwa kuomba msaada juu ya maono yao, hata kama matatizo yao haiko mukubwa.

Vikundi vya Msaada. Vikundi vya msaada vinatoa msaada kutoka ku batu ingine benye kuwa na matatizo ya mutindo sawa yako. Kuna vikundi vya msaada vyenyi vinatumia kazi ya kuunda vitu, kama vile ufundi wa sanaa ao kupika chakula. Unaweza kupata vikundi vya msaada kwa batu fulani, kama vile wamama ao vijana. Vikundi vya msaada vinaweza pia kukusaidia kufanya miungano mupya katika fasi ya makao yako.

Dawa. Dawa zinaweza kusaidia kupunguza wasiwasi, kulala vyema zaidi, na kusaidia hali njema ya akili kwa jumla. Mara nyingi dawa zinaamuriwa na watuzanji kawaida ao waganga wa magonjwa ya akili Batu benye banakunywa dawa kwa kawaida banakutanaka na mganga mara kwa mara kuangalia namuna dawa iko inatumika.

Ni muhimu kujua kwamba watunzaji na watafasiri wanalazimishwa kuweka kwa siri maneno yote yenye unabaambia, isipokuwa kama banafikiri unaweza kujiumiza ao kuumiza mtu mwengine. Ndiyo kusema mtunzaji wako na mtafasiri hataambia familia yako, marafiki yako, ao watu wa kikao chako vyenyi unafikiri, venyi unajisikia, ao mazungumzo kati yako na yeye.

Kupata mtunzaji mwenye atatumikia matatizo yako vizuri na wakati wewe uko huru itaomba muda. Wakati wa kutafuta mtunzaji, fikiria kwanza haya mambo:

Assurance ya Afya. Kuna watunzaji wenye wanakubali malipo ya assurance ya afya, na wengine wanasemwa kuwa wako “inje ya eneo” Ni lazima kuuliza kwanza kama mtunzaji, shirika, ao kikundi cha msaada watakubali malipo ya assurance yako na kama kuna malipo mengine ya zaidi.

Ufafanuzi. Una haki ya kuomba mtasafiri katika luga yenye unapenda bila kulipa katika shirika ya afya yeyote inayopokea pesa za serikali kuu ya Amerika. Waambie wafanya kazi wa hospitali ao kliniki kuwa unahitaji mtafasiri wakati unakamata rendez-vous ao ukifika kwa haraka ya hatari.

Njia ya kuingilia. Hakikisha mahali kwenye mtunzaji iko, saa za matunzo, na muda gani utangoja mbele ya kupata matunzo. Unaweza pia kuuliza kama mtunzaji atakukaribisha ukifika kwa haraka ya hatari.

Matunzo. Unaweza kuuliza kama mtunzaji wako asili yake inafanana na yako ao kama ameisha tumika na wageni. Unaweza pia kuuliza kama banazoea kusaidia batu benye matatizo kama yako.

Kumbuka kwamba kuchagua mtunzaji ni uamzi wa kila mutu pekee. Ni muhimu kupata mtunzaji muaminifu na anayekupendeza. Kama unahitaji kuungwa mkono kutafuta msaada, uliza mtunzaji wako wa msingi, musimamizi wa ukaribisho, ao msaidizi wako.