Language:

حقونه او مسوولیتونه

په متحده ایالاتو کې قوانین د ټولو خلکو د حقونو ساتنه کوي. تاسو باید په قانون ځان پوه کړئ او له هغو پیروي وکړئ. تاسو باید په دې ځان پوه کړئ چې که قانون مات کړئ نو څه به کېږي. د قانون ماتول د جریمو یا زندان سبب کېږي او ستاسو د کډوالۍ په حیثیت اغېز کوي. حتی کیدای شي چی له هیواده هم وشړل شئ. 

ددې پاڼې په معلوماتو ځان پوهولو لپاره یوه بڼه غوره کړئ. تاسو یوه ویډیو کتلی شئ، یوه معلوماتپاڼه ډاونلوډ کولی شئ، یا یو پوډکاسټ اورېدلی شئ. هر غوراوی یو ډول معلومات وړاندې کوي.

څلور هغه بنسټیز حقونه چې باید په یاد یې وساتئ:

  1.  تاسو مدني حقونه لرئ، د بېلګې په توګه د بیان او دین ازادي.
  2. تاسو د کار کولو حق لرئ. هېڅوک نه شي کولی چې ستاسو د نسل، دین، جنسیت یا ملي اصلیت له امله تاسو ته د کاري دندې له درکولو انکار وکړي.
  3. ټول کوچنیان چی عمرونه یی له ۱۸ کم وي، حق لري چې له زیانه خوندي وي او ساتنه یې وشي.
  4. که تاسو د یو جرم قرباني یاست، نو تاسو حق لرئ چې د قانوني اقدام غوښتنه وکړئ. د یوه جرم په اړه راپور ورکولو لپاره پولیسو سره اړیکه ونیسئ. که بېړنی حالت وي، نو ۹۱۱ ته زنګ ووهئ.
judge mallet
courtroom-898931_1280

څلور هغه بنسټیز مسؤلیتونه چې باید پیروي ترې وشي:

  1. بل چاته زیان رسول یا ټپي کول، که د کورنیۍ غړي هم وي، غیر قانوني عمل دی. په زیان رسولو کې ازارول، جنسي تیری او کورنی تاوتریخوالی شامل دي.
  2. په یو چا د هغه/هغې له رضایت پرته په زور یو څه تر سره کول، ناقانونه کار دی. هېڅوک تاسې نه شي اړ ایستلی چې واده وکړئ او نه درباندې بې معاشه کار کولی شي.
  3. ماشومانو سره ناوړه چلند کول یا ماشومان د بالغ کس له څارنې پرته پرېښودل، ناقانونه کار دی.
  4. د ځانګړو نشه يي توکو لکه هیروینو او کوکاینو اخیستل، خرڅول یا کارول، ناقانونه کار دی.
us-supreme-court-building-2225765_1280

دوه نور مهم قوانین چې باید ویې پېژنئ:

  1. د دې لپاره چې الکولي مشروبات واخلئ او و یې څښئ، نو ستاسې عُمر باید ۱۲ کاله وي
  2. موټر چلولو لپاره باید د موټر د چلولو لایسنس ولرئ.

تاسو په همدی ډول باید د ایالت او په سیمه ییزو قوانینو ځان پوه کړئ. دې کې عامه ځایونو او کورونو کې د سګریټو څکلو او پرته له لایسنس څخه ماهیانو نیولو او ښکار کولو سره اړوند قوانین شامل دي.

په یاد وساتئ: په متحده ایالاتو کې ډېر قوانین شته. د یوه قانون نه پېژندل دا معنا نه لري چې که هغه قانون مات کړئ نو جزا به نه درکول کېږي.

آیا چمتو یې خپله پوهه وازموئ؟

هر چیرې زده کړه

د Settle In ایپ یو ګټور ملګری دی چې د امریکا متحده آیالاتو ته ستاسې د بیامیشتیدنې سفر پرمهال تاسې ملاتړ کوي. د امریکا متحده آیالاتو کې د ژوند په اړه زده کړه وکړئ او د ساعتیرۍ پوښتنو او درسونو سره خپل مهارت جوړ کړئ.

د زده کړې لپاره ډیرې لارې

د متقابل عمل درسونو او ویډیوګانو سره، تل د سپړلو او کشف کولو لپاره یو څه وي. Settle In د امریکا متحده آیالاتو کې د بیامیشتیدو په اړه پوهه او معلومات ترلاسه کول په زړه پوري کوي. په خپل سرعت سره زده کړه وکړئ – موږ تاسې ته د لارې ښودلو لپاره دلته یو.

SettleIn Logo
Learn on the go
پدې ویب سایټ کې مینځپانګه د کلتوري لارښود سرچینې تبادلې (CORE) لخوا جوړه شوې، په عامه ډومین کې ده، او بیاځل تولید کیدی شی. د دې ویب سایټ مینځپانګه د امریکا متحده آیالاتو د بهرنیو چارو وزارت د نفوس، مهاجرینو او کډوالۍ دفتر لخوا تمویل شوي یوه تړون لاندې جوړه شوې، مګر الزامآ د دې ادارې د پالیسۍ استازیتوب نه کوي او د فدرالي حکومت لخوا تایید باید ونه ګڼل شي.